Hannes tekur við Reyni

Hannes Jón Jónsson hefur verið ráðinn þjálfari meistaraflokks karla hjá Reyni en samningur þess efnis var undirritaður í gærkvöldi.

Hannes hefur lokið UEFA A þjálfaragráðu og hefur víðtæka reynslu af þjálfun, bæði sem aðal- og aðstoðarþjálfari. Hann hefur meðal annars stýrt meistaraflokki RKV, Magna Grenivík og hefur starfað sem yfirþjálfari yngri flokka hjá Þór Akureyri.

Hann var ráðinn aðstoðarþjálfari meistaraflokks sl. sumar en tekur nú við keflinu af Hafsteini R. Helgasyni sem þjálfað hafði Reyni síðustu tvö tímabil.

Stjórn Knattspyrnudeildar Reynis lýsir yfir ánægju sinni með ráðninguna og óskar Hannesi velfarnaðar í störfum sínum fyrir félagið.

hannes-undirskrift
image-4412

Samningar undirritaðir – frá vinstri: Hannes Jón Jónsson og Ari Gylfason, formaður Knattspyrnudeildar.