Sigursveinn Bjarni Jónsson og Guðmundur Gísli Gunnarsson

Mummi heiðraður fyrir 200 leiki

Guðmundur Gísli Gunnarsson, Mummi, var heiðraður fyrir leikinn gegn Úlfunum í gærkvöldi. Í síðustu umferð lék Mummi sinn 200 leik fyrir meistaraflokk Reynis í Sandgerði.

Þess má geta að í þessum 200 leikjum hefur Mummi gert sér lítið fyrir og skorað 70 mörk í öllum regnbogans litum.

Knattspyrnudeild Reynis óskar Mumma til hamingju með áfangann og vonar að sem flestir leikir bætist í safnið á næstu árum.