Nýir leikmenn til Reynis

Þrír erlendir leikmenn til Reynis

Knattspyrnudeild Reynis hefur fengið þrjá erlenda leikmenn fyrir baráttuna í 3. deildinni í sumar.

Jonathan Faerber er 29 ára markvörður sem kemur frá Ástralíu. Jonathan lék síðast með TSV Buch í Þýskalandi. Devonte Small er 22 ára framherji sem kemur úr bandaríska háskólaboltanum. Youssef Naciri er 23 ára bandarískur miðjumaður en hann kemur frá Harrisburg City Islanders.

Jonathan og Devonte hafa báðir fengið leikheimild með Reyni og gátu því tekið þátt í fyrsta leik sumarsins í gær gegn Kórdrengjum á grasinu á Sandgerðisvelli.

Við bjóðum drengina hjartanlega velkomna í Sandgerði!