Karfa - Körfubolti - Körfuspjald

Reynir uppskar sigur í sveiflukenndum og spennandi leik | Reynismenn komnir í 4. liða úrslit

Átta liða úrslitin í 2 deildinni í körfu hófst í gærkvöldi með leik Reynis gegn liði ÍG sem átti titil að verja eftir að hafa unnið 2. deildina í fyrra.

Fyrsti leikhluti
Leikurinn hófst með stórleik Hilmars hjá ÍG sem var sá eini sem komst á blað hjá gestunum fyrstu sjö mínúturnar. Staðan var þarna 7-14 fyrir Hilmar (ÍG).  ÍG hafði síðan betur eftir fyrsta fjórðung 11-19.  Eitthvað voru menn yfirspenntir þessar fyrstu tíu mínútur því vítin hjá Reyni voru 6 af 11 og hjá ÍG 0 af 4.

Annar leikhluti
Í öðrum leikhluta snerist leikurinn alveg við og nú voru heimamenn í Reyni að setja stóru skotin og var þar mesti umsnúningurinn þegar Rúnar og Eðvald smelltu 3 þristum í röð án þess að ÍG næði að svara.  Staðan breyttist úr 16-24 í 25-24 fyrir Reyni.  Þar með náðu Reynismenn frumkvæðinu og fóru síðan til búningsklefa í hálfleik með fimm stiga forskot 33-28.  Það sem munaði mestu var að Egill og Eðvald voru sjóðheitir á þessum mínútum.

Þriðji leikhluti
Seinni hálfleikurinn hófst eins og sá fyrri með stóru áhlaupi hjá gestunum sem skoruðu á fyrstu fimm mínútunum 16 stig gegn aðeins 4 stigum heimamanna og voru komnir með forustu 37-44.  En þá komu mínútur sem Reynismenn áttu og með mikilli baráttu komu þeir muninum niður í tvö stig ( 50-52 ) fyrir lokamínúturnar.

Fjórði leikhluti
Fjórði leikhluti byrjaði síðan betur fyrir heimamenn sem voru komnir í sjö stiga mun (63-56) og aðeins tæpar fjórar mínútur eftir.  Hafi einhver haldið að þar með væru heimamenn að klára leikinn þá var það ekki ætlun gestanna að gefast upp og með mikilli baráttu náðu þeir að koma til baka og jafna leikinn í 63-63 og aðeins tvær mínútur eftir.

Lokamínúturnar fóru síðan að mestu fram á vítalínunni og voru það síðan heimamenn í Reyni sem uppskáru sigur 68-64 í sveiflukenndum og spennandi leik.

Þar með eru Reynismenn komnir í 4. liða úrslit.

Tölfræði Reynis
Hlynur Jónsson
Alfreð Elíasson 6 stig , 4/9 vítum , 3 villur
Kristján Þór Smárason
Rúnar Ágúst Pálsson 18 stig , 6/7 vítum , 3 villur , 2 þristar.
Óli Geir 15 stig , 4/7 vítum , 2 villur , 1 þrist
Hinrik Albertsson 2 stig , 2 villur
Eðvald Ómarsson 14 stig , 2 villur , 4 þristar
Elvar Þór Sigurjonsson 3 stig , 1/2 vítum , 2 villur
Halldór Theodórsson
Egill Birgisson 10 stig , 4 villur

Tölfræði ÍG
Hilmar 25 stig, 2/5 vítum ,1 þristur
Eggert 10 stig, 0/2 vítum, 2 þristar
Marteinn 7 stig, 1/2 vítum
Haukur 7 stig, 1 þrist
Sigurður 6 stig
Almar 4 stig
Haraldur 4 stig, 1/2 vítum , 1 þrist
Kjartan 1 stig, 1/4 vítum